| 故事既教訓我永遠都知道 , 但偏偏故事發生係自己身上既時候我永遠都唔信邪 , 永遠都以為自己有能力改變故事既結局 , 結果唔開心既只有自己 ...... 做緊自己鍾意既工作 , 但漸漸感到自己力有不逮 ; 雖然係做緊自己喜愛的工序 , 但一 d 滿足感都無 ; 一向我都係一隻大頭蝦 , 成日都會有漏要俾人執 ; 但以前笑下做番之後就一 d hard feeling 都無 , 只要打到一條 a line , 一條 central line , tube 左個 patient , 甚至說服左屋企人俾個 patient comfort care 我已經覺得好有成功感 ...... 雖然代價係唔定時食飯 , 唔定時瞓覺同埋成日爆粗爆人地 ...... 但起碼我都有 d 存在價值 , 雖不至於對 department 好大幫助 , 不過當我主動出聲話幫人頂 call , study day 唔走住一齊做埋 d 野既時候 , 我係真心想減輕其他人既工作壓力 ...... 起碼我從來無聽過有人叫我走既原因係因為 "你唔好以為自己好緊要 , 你以為我地無左你唔得呀" ...... 我都知道自己唔開心係自己攞黎既 , 我大可以咩都唔理 , 大可以只當呢份只係俾生活費我既工 ...... 但係咁樣既一個又係我嗎??? 我話過只要屋企人開開心心 , 健健康康 , 就算份工要我有幾唔開心 , 要我幾委屈我都吞左佢 ...... 同埋我始終相信只要我繼續俾心機做我自己鍾意既工作 , 終有一日我會好開心咁講 "我番工番得好開心!!!" |
